Жаңа бастамаға алғашқы болып елорда тұрғындары жақын арада қол жеткізеді.
«Азаматтарға арналған үкімет» тұрғындардың өтінішін ескеріп, жеке бас куәлігіне қажет фото мәселесін шешпек, деп хабарлайды Экспресс К.
Осы кезге дейін Қазақстан азаматтары құжаттардағы фотосуреттеріне көңілі толмай, көп шағым айтатын еді. «Азаматтарға арналған үкімет» мемлекеттік корпорациясының Басқарма төрағасы Сүйеніш Әбділдиннің айтуынша, енді Халыққа қызмет көрсету орталықтарына адамдардың өзіне қызмет көрсете алатын терминалдар орнатылады.
Олар биометриялық жүйемен әрі түсінікті интерфейспен жабдықталады. Адамдар Халыққа қызмет көрсету орталығына келіп, өз бетінше суретке түсіп, көші-қон қызметкеріне фотосуреттің ең жақсы нұсқасын жібере алады,
Оның айтуынша, алғашқы терминалдар Нұр-Сұлтан қаласында болады.