ҚР Ішкі істер министрінің нұсқауына сәйкес, Шымкент қаласында «Учаске» жедел-профилактикалық іс шарасы өткізілуде.
Іс шараның мақсаты – көпқабатты үйлердің әрбір пәтерін, аулаларды, жеке үйлерді аралап, онда тұрып жатқан адамдар жайлы ақпарат білу және қару иелерін, ІІО-да есепте тұратын тұлғаларды тексеріп, олармен профилактикалық жұмыстар жүргізу болып табылады.
Аталған іс шара барысында Еңбекші ауданы №43 УПП учаскелік полиция инспекторы полиция майоры Байбуриев Бақытбай Үсенұлы тұрғын үйлерді, дүкендерді аралап, түсіндіру жұмыстарын жүргізді. Іс-шара барысында учаскелік полиция инспекторлары өздеріне тиесілі аумақтардағы көпқабатты үйлердің пәтерлері мен жеке сектор үйлерін аралап, онда тұрып жатқан азаматтар туралы мәлімет жинайтын болады.
Іс шара ағымдағы жылдың 1 желтоқсанына дейін жалғасады.
Шымкент қаласы Полиция департаментінің Баспасөз қызметі