Қазақстандық гроссмейстер Бибісара Асаубаева әлемдегі ең жоғары жалақы алатын шахматшы әйелдердің үздік ондығына кірді. Forbes нұсқасы бойынша ол жыл ішінде 110 мың доллардан астам табыс тауып, 7-орынға жайғасты, деп хабарлайды BAQ.KZ.
Бибісара Асаубаеваның табысының артуы оның халықаралық жарыстардағы сәтті өнер көрсетуімен байланысты. Ол блиц бойынша әлем чемпионатында жеңіске жетіп, Үлкен Швейцария турнирінде үшінші орын алды. Сондай-ақ фристайл-турға қатысып, аталған додаға қатысқан алғашқы қыз атанды.
Рейтинг көшін қытайлық Джу Вэньцзюнь бастап тұр: оның табысы шамамен 382 мың долларды құрайды. Ал үздік ондықты үндістандық Дивя Дешмух 87 мың доллар көрсеткішімен түйіндеген.