Үшінші мегаполис өнерпаздары Нұр-Сұлтан қаласының төрінде
Шымкент қалалық опера және балет театрының ұжымы гастрольдік сапарға аттанды. Үшінші мегаполис өнерпаздары Нұр-Сұлтан қаласының төрінде «Домалақ ана» операсын сахналамақ. Жерлестерімізді сапарға шығарып салуға Шымкент қаласы әкімінің бірінші орынбасары Шыңғыс Мұқан және қалалық мәдениет басқармасының басшылары қатысты. Шыңғыс Жұмабекұлы қаламызда мәдениет саласына баса назар аударылып жатқанын айтты.
Опера және балет театрының директоры Майра Мұхамедқызының айтуынша, пандемияға байланысты екі жылдан бергі алғашқы сапарға ұжым тыңғылықты дайындалған. Нұр-Сұлтан қаласына театрдың 170-ке жуық қызметкері аттанса, елордадан 50-ге жуық маман мен арнайы аспаптармен қосылып, «Домалақ ана» операсы нақышына келтіріп орындалмақ. Сапар алдында театрдың бас суретшісі Бақтыбай Күзембаев сәтті сапар тілеп, бата берді.
Сайт 29.03.2021 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ09VPY00033817 куәлігімен тіркелген.
Меншік иесі: «NUR-MEDIA PR GROUP» компаниясы.
Материалды көшіріп басу кезінде bainews.kz сайтына тікелей гиперсілтеме көрсету міндетті.
Сайтымыздың мобильді қосымшасын жүктеп алыңыз.