Шымкентте жаңа қосылған шырша өртеніп кете жаздады

 Шымкентте «Астана» алаңында жаңа жылдық шыршаны жағу рәсімі кезінде электр сымдары қысқа тұйықталып, шыршаның 0,2 шаршы метр аумағы жанып кетті, деп хабарлайды ҚР Төтенше жағдайлар министрлігінің баспасөз қызметі. Төтенше жағдайлар департаментінің кезекшілікте тұрған қызметкерлерінің жедел әрекет етуінің арқасында өрт 4 минут ішінде оқшауланып, толықтай сөндірілді. Өрт сөндірушілердің арқасында зардап шеккендер мен жарақат алғандар болған жоқ.

– ТЖМ жаңа жылдық мерекелермен байланысты іс-шаралар кезінде өрт қауіпсіздігі ережелерін қатаң сақтаудың маңыздылығын ескертеді,- делінген хабарламада. Астанада 30-дан астам жаңа жылдық шыршаның шамы жағылғаны туралы хабарладық.