Шымкенттік жүргізушілерге 8 млрд теңге көлемінде айыппұл салынды. Мұндай деректерді мегаполистің полиция департаменті ұсынды, деп хабарлайды Otyrar.kz. Басылым мәліметінше, жыл басынан бері 10 айдың ішінде шымкенттіктер жол қозғалысы ережелерін бұзып, 8 млрд теңге айыппұл арқалаған. Оның 3 млрд теңгеден астамы қазірдің өзінде төленген. Бұл қаражат қала мен тұрғындардың әл-ауқатын арттыруға жұмсалады. Айта кетейік, осыған дейін Шымкентте дизель құйылған бөшкені газбен жылытпақ болған ер адам қаза тапты. Одан бөлек қалада көпқабатты үйден өрт шығып, екі адам құтқарылды.
Шымкенттік жүргізушілерге 8 млрд теңге көлемінде айыппұл салынды
