Полиция Түркістан облысы «Жетісай-Жібек Жолы» тас жолында 4 адам қаза тапқан жол көлік оқиғасы бойынша тергеу жүргізуде.
Жол апаты «ВАЗ» маркалы автомобильдің «Вольво» жүк көлігімен соқтығысуы салдарынан орын алған. Оқиға болған жерде жүргізуші мен жеңіл автокөліктің үш жолаушысы қаза тапқан.
Осы факті бойынша сотқа дейінгі тергеп-тексеру басталды және барлық мән-жайды анықтауға бағытталған қажетті іс-шаралар жүргізілуде.
Полицейлер жүргізушілер мен жолаушыларды жол ережелерін қатаң сақтауға және облыс жолдарында мұқият болуға шақырады.
СНХ: Гүлнар Абдужаппарова, Түркістан облысы ПД ресми өкілі
Түркістан облысы ПД баспасөз қызметі