Түркістанда қызын зорлап, анасын өлтірген күдіктіге қатысты сот отырысы басталды

Аzattyq-ruhy жазуынша, биыл қыркүйекте Келес ауданындағы Амангелді ауылының 30 жастағы тұрғыны 15 жастағы қызды өз үйінде зорлап, анасымен бірге өлтіріп кеткен. Бұл қылмысты жасады деген күдікке ілінген адам мектепте практикант болып жұмыс істеген. Ол 15 жастағы марқұмға көз салып, қырындаған көрінеді.

Мұны білген анасы бірден мектеп директорына арызданған. Көп ұзамай 29 жастағы жігіт білім ордасынан шеттетілді. Дегенмен ызаға булығып, кек алмақ болған ол жантүршігерлік қылмысты 10 айдан соң жасаған. Жәбірленуші тарап күдіктіге ең қатал жаза түрін беруді сұрап отыр.

«03:31-де «жеңгең мен қарындасыңды ұрып кетіпті» деген хабар келді. Барсақ жедел жәрдем көлігі тұр. Қарындасымның бір көзі ағып кеткен. Өлі жатыр. Жеңгеме кірсем сол жағынан соққы тиген. Түрін адам танып болмайды. Хайуандықпен өлтірілген. Өмір бойы бас бостандығынан айыруды талап етеміз», – деді марқұмдардың туысы Серік Тұрғанбаев.