Сарыағаш ауданы полиция қызметкерлері мектеп оқушыларымен кездесу ұйымдастырды

01.10.2024 жылы, Сарығаш ауданы полиция бөлімінің жергілікті полиция қызметінің учаскелік полиция инспекторлары мен ювеналды полиция инпекторларымен бірге мектеп оқушылары арасында құқықтық бұзушылық пен қылмыстың алдын алу, отбасылық тұрмыстық зорлық-зомбылықтың, әлімжеттілік, буллинг, бопсалау, лудомания құмар ойындарын алдын алу мақсатында Сарыағаш ауданы Қапланбек ауылдық округінің Жоңарық ауылында орналасқан №74 жалпы орта мектебінде, Сіргелі ауылында №36 Қ.Тоқмұхамедов атындағы мектепте, Құркелес ауылдық округінде орналасқан №19 А.Оразбаева атындағы мектепте, Жарты төбе ауылдық округінде орналасқан № 35 Б.Ғафуров атындағы мектепте, Дербісек ауылдық округінде орналасқан №31 Т.Бигельдинов атындағы мектепте және Дарбаза ауылдық округінде орналасқан № 70 С.Байғозиев атындағы жалпы орта мектепте 7-11 сынып оқушыларымен жиналыс өткізілді. Онда жасы кәмелетке толмағандардың арасында құқықбұзушылық пен қылмыстардың алдын алу, болдырмау мақсатында, тәрбиелік мәні бар, насихаттау және заң талаптарын кеңінен түсіндіру жұмыстары жүргізілді.