Мереке қарсаңында және қызмет барысында ерлікпен қаза тапқан ІІО қызметкерлерінің құрметіне орай Шымкент қаласының және Түркістан облысының Мамандандырылған күзет қызметі басқармасының ұйымдастыруымен Түркістан облысының құқық қорғау органының күштік құрылымдары арасында шағын футболдан жарыс өтті. Сайысқа 7 команда қатысты.
Қызметкерлер арасында спортты дамыту, салауатты өмір салтын ұстануға бағыттайтын ойын тартысты өтті. Нәтижесінде І-орынды Түркістан облысы Полиция департаментінің командасы иеленіп, үздік атанды. Ал ІІ-орынды ҰҚК командасы, ІІІ-орынды Ұлттық ұлан командасы жеңіп алды.
Сондай-ақ ”Үздік ойыншы” номинациясын Жылдам қимылдайтын арнайы жасақ қызметкері Өтешов Ғалымжан иеленді.
Өз кезегінде футбол додасында үздік танылған әріптестерімізді жеңістерімен құттықтаймыз!
Түркістан облысы ПД баспасөз қызметі