10 тамыз қазақтың Ұлы ақыны Абай Құнанбаевтың құрметіне «Абай күні» болып бекітілген. Демек бұл күні ақиық ақынның шығармашылығы, қалдырған құнды жазбалары орындалады. Мұндай мүмкіндікті Түркістан облысының полицейлері де жіберіп алмады. Ақынның өлеңдерін сүйіп оқитын Еркін, Алма, Жанна есімді полиция қызметкерлері көпшілікке өз өнерлерін ұсынды. Олар Абайға деген сағынышты сезіне отырып, өлеңін, қара сөзін жүрекпен орындады.
Яғни түскі үзіліс уақыттарын пайдалы дүниемен өткізіп, кітапхана, мұражай, «Керуен сарай» кешенінде Абай оқуларын насихаттады. Ұлттық киімді дәріптеді.
Формадағы сақшылар ұлы кемеңгердің ескерткішіне барып, құрмет көрсетті.
Қазақ халқының жазба әдебиетінің негізін салған ақын Абай күні мерекесі баршамызға құтты болсын! Абай мұрасы мәңгілік жасасын.
Түркістан облысы ПД баспасөз қызметі