Алматы облысында жоғарғы вольтты 10 станция салынады

 Өңірлік коммуникациялар қызметінің алаңындағы баспасөз мәслихатында Алматы облысында «Тарифті инвестицияға айырбастау» жобасының жоспары таныстырылды.

Қазіргі кезде Алматы облысында электр беру желілерінің ұзындығы 22,1 мың км болса, оның 70%-ға жуығының тозығы жеткен.

Облыстық энергетика және тұрғын-үй коммуналдық шаруашылық басшысының орынбасары Ракеш Байжұматовтың айтуынша, желілерді жөндеудің бірден-бір жолы – тариф құнын өсіру. Ол «тарифті инвестицияға айырбастау» жобасын іске асыру негізінде Алматы облысында қытайлық TBEA компаниясымен мемлекеттік-жекешелік әріптестік арқылы 10 жаңа жоғары вольтты қосалқы станция салынатынын айтты. Жоба құны 100 млрд. теңге болмақ. 

Еске салайық, бұған дейін Алматы облысында шомылуға рұқсат етілген 103 демалыс орны бар екенін жазған едік.