Қазақстан Үкіметі Аппаратының басшылығы мен қызметкерлері Мемлекет басшысы Қасым-Жомарт Тоқаевтың бастамасымен ұйымдастырылған «Таза Қазақстан» республикалық экологиялық акциясы аясында өткен қалалық сенбілікке қатысты.
Премьер-Министр Олжас Бектенов бастаған Үкімет Аппаратының қызметкерлері «EXPO» аумағында 150-ге жуық көшет отырғызды, оның ішінде емен, қайың, шырша, сағызқарағай және басқа да ағаш түрлері бар.
Экологиялық акцияның 3 аптасында 4,6 мыңнан астам тонна қоқыс шығарылды. Астанада 50 мыңнан астам ағаш отырғызылды. Биыл елордада барлығы 1,1 млн-ға жуық жасыл желек отырғызу жоспарда бар.