Халықаралық әйелдер күніне орай Астана қаласында ат спортынан қыздар арасында ашық біріншілік өтеді, деп хабарлайды BAQ.KZ елорда әкімдігінің ресми сайтына сілтеме жасап.
Еліміздің түкпір-түкпірінен келген бұрымдылар 8 наурыз күні «Арғымақ» ат-сауықтыру спорт кешенінде кіл мықтыларды анықтайды.
Олар сайыстың 6 бағдары бойынша сынға түседі.
- № 1 маршрут «Ашық класс санаты»
• № 2 маршрут «Жастар санаты»
• № 3 маршрут «Әуесқойлар санаты»
• № 4 маршрут «4 жасар жас жылқылар санаты»
• № 5 маршрут «5 жасар жас жылқылар санаты»
• № 6 маршрут «6 жасар жас жылқылар санаты»
Жарыстың жалпы жүлде қоры – 6 млн теңге.
Іс-шара Астана қаласы әкімдігінің қолдауымен және Астана қаласының Ұлттық және олимпиадалық ат спорты түрлері федерациясының ұйымдастыруымен өтеді.
Жарыс сағат 10:00-де «Арғымақ» ат-сауықтыру спорт кешенінде басталады.
Мекенжайы: Қарқаралы тас жолы, 1. Мұнда қала маңындағы елдімекендерге қатынайтын №303, 309, 320, 323 қоғамдық көліктері барады.