Жамбыл облысында 300 млн теңге алимент өндірілді

 Жамбыл облысында прокурорлық шаралармен 300 млн теңге сомасына алимент өндірілді, деп хабарлайды BAQ.KZ.

Жамбыл облысының жеке сот орындаушыларында 2023 жылы 27 548 баланың мүддесі үшін қарызы 1 млрд теңге болатын алимент өндіру туралы 19 589 атқарушылық құжат орындауда болды.

Прокурорлық шаралармен 12 832 кәмелетке толмағандарды асырауға арналған 300 млн теңгеден астам қарыз өтелген.

Облыс прокуратурасы ӘҚБтК-нің 669-бабы негізінде алимент бойынша 76 борышкерді әкімшілік жауаптылыққа тартты (олар бойынша берешек сомасы 25 миллион теңгеден астам).

56 адамға әкімшілік қамауға алу (алимент бойынша қарыз 17 млн теңге), ал 20-ға әкімшілік айыппұл (8 млн теңге қарыз) салынды.

Қылмыстық кодекстің 139-бабына сәйкес 10 сотқа дейінгі тергеп-тексеру басталды (3 борышкерге қатысты сот үкімі шығарылды, 6 тараптардың татуласуына және қарызды өтеуге байланысты тоқтатылды, 2 сотқа дейінгі тергеп-тексеру жүргізілуде, 2 сотқа жіберілді).

Прокуратураның көмегімен 68 борышкер жұмысқа орналастырылды (барлығы бойынша атқару құжаттары жұмыс берушілерге жіберілді).