Түркістан музыкалық драма театры әзербайжандағы халықаралық театр фестиваліне қатысады

Түркістан музыкалық драма театры Әзербайжан елінде биыл жалпыұлттық көшбасшы Гейдар Әлиевтің 100 жылдығына байланысты және Әзербайжан кәсіби ұлттық театрының 150 жылдығына, сондай-ақ ТҮРКСОЙ ұйымының 30 жылдығына орай Шуша мен Бакуде өтетін І халықаралық театр фестиваліне «Қорқыт туралы аңыз» пластикалық қойылымымен қатысады.

Жазушы-драматург Е. Аманшаевтың либреттосы бойынша сахналанған спектакльде көрген түсінен шошып, өлімнен қашады. Жерұйық мекенді іздейді. «Қайда барса да, Қорқыттың көріне» кезігіп, ақыры туған жері – Сырдарияға оралады. Қоюшы-режиссері – К. Семенов. Композиторы – Х. Шанғалиев. Көркемдік жетекшісі – А. Көпбасарова.

Айта кетейік, фестиваль мақсаты – ТҮРКСОЙ мен барша түркі халықтары арасындағы ынтымақтастық перспективаларын одан әрі кеңейту, заманауи театр өнерінің озық үлгілерін таныстыру, халықаралық байланыстарды дамытуға қолдау көрсету, жаңа сахналық стильдердің танымал болуына жағдай жасау.