Сарыағаш ауданының мәдени күндері Келес ауданында аталып өтті

Сарыағаш ауданының мәдени күндері салтанатты түрде Келес ауданында аталып өтті. Салтанатты шара аясында ауданымыздың қолөнер шеберлерімен қылқалам шеберлерінің сонымен қатар, кітап көрмесі тұрғындар назарына ұсынылды.

Іс- шараға Сарыағаш ауданның мәдениет, тілдерді дамыту дене шынықтыру және спорт бөлімінің басшысы Ә. Жаншуақов пен Келес аудандық ішкі саясат, мәдениет және тілдерді дамыту бөлімінің басшысы Д. Лесов арнайы қатысты.

Талай сахна саңылағының өнер басбалдағы болған орында, облысымыздың мақтанышына айналған «Саялы-Сарыағаш» этно-фольклорлық ансамблі бастаған «Еркетай би ұжымымен жезтаңдай әншілеріміз өнер көрсетіп жиылған көрерменнің зор ықыласына ие болды.

Мұндай іс-шаралар қос ауданның мәдениет қызметкерлерінің өзара тәжірибе алмасуына мол мүмкіндік екені сөзсіз.

Айта кетсек, алдағы уақытта Келестік өнер керуені, Сарыағаштық көрерменімен қауышпақ.