Сарыағаш: аудан әкімі Арман Абдуллаев жеке қабылдау өткізуге ешқандай кедергі жоқ

Бүгін аудан басшысы Арман Абдуллаев азаматтарды жеке мәселелері бойынша қабылдады. Әр аптаның бейсенбі күні өтетін аудан әкімінің жеке қабылдауында алдын ала жазылған 21 тұрғынның өтініштері қаралды.

Қабылдауға келген тұрғындар тұрғын үй кезегі,жұмыс, жер және жеке мәселелері бойынша өтініштерін жеткізді.

– Біздің мақсатымыз – жеке қабылдауға келген тұрғындардың өтініштері мен талап-тілектерін қанағаттандыру. Алайда, әр мәселе заң аясында шешілуі тиіс екенін де ескерткім келеді,-деді аудан басшысы.

Сонымен қатар, аудан басшысы Астана қаласыннан азаматты Zoom платформасы арқылы онлайн қабылдады.

Аудан әкімі қабылдау барысында тұрғындар көтерген барлық өтініштерге мардымды жауап беріп, әрбір мәселеге талқылау жасап, шешу жолдарын қарастырды.

Сондай-ақ, қосымша уақыт талап ететін мәселелерді жеке бақылауында ұстайтындығын айтып, жауапты дербес бөлім басшылары мен қала, кент және ауылдық округ әкімдеріне тұрғындардың мәселелерін қолданыстағы заңнама аясында шешуді тапсырды.