Сайрам ауданы, Қарабұлақ ауылында орналасқан «Ашбұлақ» мешітінде елімізге танымал исламтанушы ұстаз Ризабек Батталұлы аудан имамдарының біліктілігін арттыру мақсатында, «Деструктивті бағыт — дін емес» тақырыбында семинар-тренинг өткізді. Семинар барысында имамдардың уағыз айту шеберлігін жетілдіріп, деструкивті діни ағым жақтастарымен оңалту жұмыстарын жүзеге асыратын имамдардың біліктілігін көтеру, сонымен қатар білім алудың және оны көпшілікпен бөлісудің маңыздылығы айтылып өтті.
Осы істің ең маңызды бөлігі жастарымыздың тәрбиесі басты назарда екендігі баяндалды, халқымыздың жат ағымдардың жетегіне еріп кетуінен сақтандыру үшін деструктивті идеологияларға қарсы иммунитет қалыптастыру бағытында жұмысты күшейтуде Ризабек ұстаз тәжірибесімен бөлісті.