Келес: Амангелдіде ұялы байланыс интернетінің сапасы артады

Келес ауданының әкімі Жәнібек Ағыбаевтың жеке қабылдауына Біртілек ауылдық округіне қарасты Амангелді ауылының тұрғындары келіп, ауылға ұялы байланыс интернетінің сапасын арттырып беруін сұранған болатын.

Аудан басшысы шұғыл түрде елімізіздегі ұялы байланыс қызметін көрсететін мекемелерге сұраныс жібертіп, мәселенің өзектілігін жеткізді.

Нәтижесінде Кселл АҚ мекемесінің өкілдері Келес ауданына келіп, Амангелді елді мекеніне зерделеу жұмыстарын жүргізді. Мекеменің базалық станциясы қойылатын аймақты таңдап, жергілікті тұрғындармен кездесіп, олар үшін қолайлы аймақтан қаралған жердің құжаттандыру жұмыстарын бастап кетті.

Аталған ауылға 18 метрлік бағана орнатылып, базалық станция 4G қызметін ұсынады. Осылайша тұрғындар көтерген мәселенің бірі өз шешімін таппақ.

Айта кету керек биылғы жылдың соңына дейін аудан орталығы Абай ауылындағы орталық автобекет маңынан Кселл АҚ мекемесінің базалық станциясы орнатылып, өз тұтынушыларына 4G қызметін ұсынбақ.

 Келес ауданы әкімдігінің баспасөз қызметі