Жезқазған қаласында орналасқан құбырдың 13 мың метрден астамын ұрлады деген күдікпен соталды тергеу аяқталды, деп хабарлайды El.kz ақпараттық агенттігі Қаржы мониторингі агенттігіне сілтеме жасап.
Ведомство мәліметінше, мемлекеттік мекеменің бұрынғы басшысы бір топ адамдармен алдын ала сөз байласып, жалпы сомасы 288 миллион теңгеден аса мемлекет мүлкін ұрлағаны анықталған.
Ұрлық дерегін анықтау кезінде лауазымды тұлға бұл нысанның мемлекеттік органның балансында жоқтығы туралы жалған анықтамалар беріп, тергеуді қасақана жаңылыстырған.
Бұл құбыр Жезқазған қаласының әуежайы маңында орналасқан саяжай учаскелерін сумен қамтамасыз етуге арналған.
Қазір ұсталған басшы коммуналдық кәсіпорынның қызметкері емес.