Кентауда алғашқы көпқабатты үйлер газға қосылды

Кентау қаласы Ш.Уәлиханов көшесінде орналасқан он көпқабатты 60 пәтерлі тұрғын үйлер газға қосылуға дайын. Бүгін қала әкімі Рашид Аюповтың қатысуымен көпқабатты тұрғын үйлердің газ тарату шкафтарын газбен толтыру жұмыстары іске қосылды. Енді әр пәтер тұрғындары “КазТрансГаз Аймақ” АҚ  “Кентау Газ Шаруашылығына” барып дербес шот ашу арқылы үйлерін газға қоса алады.

«Газды құбырларын жасаған мердігер әр подьездегі әр стоякты жеке-жеке қосады. Ол үшін әр пәтер тұрғындары үйде болу керек. Газға қажетті газплита, пеш дайын болу қажет. Мамандар әбден тексеріп, қосуға дайын деген кезде кезең-кезеңімен пәтерлерді қосамыз» деді Түркістан облысы бойынша “КазТрансГаз Аймақ” АҚ филиалының директоры Ержан Балабеков.

Қазіргі таңда, Кентау қаласы табиғи газбен қамтылып, қала аумағында тұтынушы санын көбейту жұмыстары жүргізілуде, «КазТрансГаз Аймақ» АҚ-на 2063 абонент тұтынушы техникалық шарт алу үшін өтініш берген. Қалада 200 ден аса абонент газбен қамтылған.

«Өте қуаныштымыз. Үйіміздің маңайына газ келді. Қала басшыларына рахмет! Айтқан уәделерін орындады. Енді құжаттарымызды дайындасақ, үйімізге газ қосылады. Жолымыз да салынды» дейді Ш.Уәлиханов көшесі 176 үйдің тұрғыны Орынкүл Жолдыбай.

Жалпы, қаланы табиғи газбен қамтудың ІІ кезеңі нысанында қысыммен тексеру жұмыстары жүргізілуде. Ағымдағы жылдың тамыз айының соңында аяқтау жоспарланған.

Кентау қаласы әкімдігінің баспасөз қызметі