2022 жылы 30 қыркүйек күні сағат 15:26-да 101 пультіне Түркістан қаласында жеке үйдің аумағында орналасқан жиһаз шеберханасында өрт шыққаны туралы хабарлама түсті. Бұл туралы Түркістан облысы ТЖД баспасөз қызметі хабарлады.Өрт сөндірушілер оқиға орнына келіп жеткен бойда, қоймада жихаз заттарының жанып жатқаны анықталды. Өрттің көлемі алдын ала болжам бойынша 800 шаршы метр.
Қаза болғандар мен зардап шеккендер жоқ. Өрт себебі анықталуда.
Өртті сөндіруге Түркістан облысы ТЖД 40 жуық қызметкер және 7 бірлік техникасы жұмылдырылды.