Филиппин қорғаныс министрлігі өкілінің мәлімдеуінше, Ресей Украинаға басып кірген соң онымен әскери-сауда саласындағы әріптестікті доғармаса, АҚШ Филиппин үкіметіне санкция салуы мүмкін. Әскери тікұшақтар сатып алу келісімінің құны 227 млн доллар. Құжат Ресей басқыншылығына дейін жасалған, бірақ енді Филиппин үкіметі келісімді бұзады. 2021 жылғы қарашада қол қойылған келісімге сәйкес, Ресейдің “Совтехноэкспорт” кәсіпорыны филиппин армиясына 16 Ми-17 тікұшағын жеткізуі тиіс болған. Филиппиннің бұрынғы қорғаныс министрі Дельфин Лорензананың мәлімдеуінше, Ресейден әскери техника сатып алудан бас тартқанын үкімет Вашингтонға хабарлаған, енді АҚШ Филиппинге әскери тікұшақ жеткізе алады. Мамыр айында Филиппин басшысы Родриго Дутерте Ресей президенті Владимир Путинді Украинадағы бейбіт тұрғындардың өліміне кінәлаған. Ол Мәскеудің әрекетін “суверенді мемлекетке қарсы соғыс” деп бағалаған.
Ми-17 — жолаушы және жүк таси алатын тікұшақ. Ол 26 жолаушы және 8 тонна жүк таси алады. Биыл сәуір айында Үндістан да Ресейден 48 Ми-17В5 тікұшағын сатып алуды кейінге қалдырды.
Сайт 29.03.2021 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ09VPY00033817 куәлігімен тіркелген.
Меншік иесі: «NUR-MEDIA PR GROUP» компаниясы.
Материалды көшіріп басу кезінде bainews.kz сайтына тікелей гиперсілтеме көрсету міндетті.
Сайтымыздың мобильді қосымшасын жүктеп алыңыз.